Қазақстандық бокс федерациясы
    Бокс Аргентинадағы жасөспірімдердің олимпиада бағдарламасында қалдырылды
    Бокс Аргентинадағы жасөспірімдердің олимпиада бағдарламасында қалдырылды
    Халықаралық олимпиада комитеті боксты Аргентинадағы Жасөспірімдер олимпиада ойындары бағдарламасында қалдырды. Бұл туралы Азия бокс федерациясының баспасөз қызметі хабарлады.
    04 Мамыр 2018

    2018 жылы Жасөспірімдер олимпиада ойындары үшінші рет өткелі жатыр. Шара 6-18 қазан аралығында Буэнос-Айреста ұйымдастырылмақ. Бұл 14-18 жас аралығындағы спортшылар қатысатын арнайы олимпиада ойындары. Алғашқы Жасөспірімдер олимпиада ойындары 2010 жылы Сингапурде өткен болатын.

    Белгілі болғандай, Тайландта өткен жастар арасында бокстан Азия чемпионаты Қазақстан үшін табысты өткен. Біздің жас боксшыларымыз жалпы 10 алтын медаль, оның ішінде алтауын бозбалалар мен төртеуін бойжеткендер жеңіп алды. Құрлықаралық біріншілікте Венгриядағы әлем чемпионаты мен Аргентинадағы Жасөсіпірімдер олимпиада ойындарына лицензия ойнатылды.