Болат Жұмаділовтың жүлдесі үшін өткен турнирде медальдар мен алғыс хаттар табысталды
20 мен 25 қазан аралығында Таразда Атланта мен Сидней олимпиадаларының күміс жүлдегері, Әлем чемпионы Болат Жұмаділовтың жүлдесі үшін республикалық жарыс өтті. Турнирді жасөспірімдердің №6 мамандандырылған спорт мектебі ұйымдастырған болатын.
Жамбыл облысының бокс федерациясы қазақ боксының 85 жылдығына орайластырылған жарыста ардагерлерге алтын медальдар мен алғыс хаттар табыстады. Марапатталған азаматтардың ішінде Жамбыл облысы бойынша бокс федерациясының құрметті вице-президенті, ҚР Еңбек сіңірген бапкер Шотбақов Кайрат Касымұлы, ҚР Еңбек сіңірген бапкер Цой Феликс Тихонович, ҚР Еңбек сіңірген бапкер Нұғыманов Жұмахан Ноғайбайұлы, ҚР Еңбек сіңірген бапкер Көпжасар Тұрлыбек Жұмағұлұлы, Жамбыл облысы бойынша Денешынықтыру және спорт басқармасының басшысы Жүнісбеков Нұрбол Әбдімәжитұлы, КСРО халықаралық дәрежеді спорт шебері Жәпен Болат Қаңлыбайұлы, КСРО халықаралық дәрежеді спорт шебері Қабіров Рәшид Гаязович, «Жамбыл» кәсіпқой бокс клубының жетекшісі Мәзімбаев Марат Кененбайұлы, жасөспірімдердің №6 мамандандырылған спорт мектебінің жетекшісі Тілегенов Бақтияр Куанышұлы мен Жамбыл облысы бойынша бокс федерациясының атқарушы директоры Махамбеттегі Елдос Базарбайұлы бар.
