Қазақстандық
бокс федерациясыkfb.kz

Жаңалықтар

Жайна Шекербекова: «Жарысқа қатысқан барлық елдер бірінші нөмірлі боксшыларын алып келді»

20 Қыркүйек, 2018

Жайна Шекербекова (51 келі) елге келген соң ҚБФ сайтына сұқбат берді

Польшаның Гливице қаласында өткен халықаралық турнирде жерлесіміз алтыннан алқа тағынған болатын

 - Польшадағы жарысқа қандай баға бересіз?

- Әлем чемпионаты жақындап қалды. Барлығы да спортшыларының қандай дәрежеде екенін білу үшін бірінші нөмірлерін алып келді десе болады. Сондықтан жарыс жоғары дәрежеде өтті.

- Қандай кездесу сізге ауырға тиді?

- Ақтық кездесу өте қиынға түсті. Польшаның өкілі Сандра Драбикпен осымен үшінші рет кездестім. Осыған дейін Польша жерінде, сосын Қазақстанда да жекпе-жек өткіздім. Екеуінде де жеңіске жеткен болатынмын. Бір-бірімізді жақсы білеміз. Мықты қыздардың бірі.

- Алда қараша айында өтетін Әлем біріншілігіне дайындығыңыз қалай?

- Иә, қазір Польшадан келіп демалып жатырмыз. Қазан айында Алматыда құрамамен бірге оқу-жаттығу басталады. Жаңадан Әлем чемпионатына дайындаламыз. Осымен бұйырса үшінші мәрте қатысайын деп жатырмын.

- Әлем біріншілігінде бағыңыз жансын. Сізге сәттілік тілейміз!  

Фото: Сергей Штрак

Наверх