Қазақстандық
бокс федерациясыkfb.kz

Жаңалықтар

«Арландар» алғаш рет жеңілді

01 Сәуір, 2017

Бүкіләлемдік бокс сериясында өнер көрсететін «Астана арландары» же­тінші маусымда алғаш рет жеңіліске ұшырады. Былғары қол­ғап ше­бер­леріміз Ташкентте Өзбекстан командасына жол берді.

Талдықорғандағы бірінші кездесуде жерлестеріміз 4:1 есебімен басым түскен еді. Ол кезде де көршілеріміз мықты құрам­мен келген. Арасында Олим­пия ойындарының жүлде­г­ерлері болды.

 

Ринг иелері бұл жолы сол кеткен есені қай­таруға тырысты. Тіпті, жекпе-жек алдында Рио-2016 Олим­пиадасының чемпионы Хасанбой Дусматов 5:0 есебімен ұтамыз деп сұхбат та берді. Дусматовтың бұл пікірімен Антон Пинчук қана келіскен жоқ. Қалғаны жаппай жеңілді.

 

Алдымен шаршы алаңға 64 килодағы боксшылар көтерілді. «Арландардың» намысын Діл­мұрат Мижитов қорғады. Ол Өзбекстанда тұратын этникалық қазақ Елнұр Әбдірайымовпен жолықты. 2015 жылғы әлем чемпионатының қола жүлдегері болып саналатын Әбдірайымов біздің Мижитовке еш мүмкіндік бермеді. Төрешілер бірауыздан Елнұрдың жеңісін мойындады (45:50, 46:49, 47:48).

 

Екінші жұпта (56 килоға дейін) жұдырықтасқан Ілияс Сүлей­менов те Абулхай Шара­товтан айласын асыра алмады – 0:3 (47:48, 47:48, 45:50).

 

Ал 75 килодағы өзбек боксшысы Исроил Мадримов біздің Сапарбай Айдаровтың осал тұсын тауып, командасына үш ұпай сыйлады. Қорытынды есеп – 0:3 (45:50, 45:50, 46:49).

 

Қазақстан командасының жалғыз жеңісі Антон Пинчукке тиесілі. Биылғы маусымда үшінші рет шаршы алаңға шығып отырған Антон өз салмағындағы рейтингте көш бастап тұр. Бұл жолы ол Зухриддин Махкамовты оңай жеңді.  Қорытынды есеп – 3:0 (50:45, 50:45, 49:46).

 

Соңғы болып шаршы алаңға Рио Олимпиадасының чемпионы, Вэл Баркер кубогының иегері Хасан­­бой Дусматов пен қазақ бокс­шысы Теміртас Жүсі­пов көте­рілді. Төрешілер Дусматов­тың же­ңісіне еш күмән келтір­меді. Сөй­тіп, 4:1 есебімен өзбек коман­­да­сы «Арландардан» есе қайтарды.

 

egemen.kz

Наверх