Қазақстандық
бокс федерациясыkfb.kz

Жаңалықтар

Біржан Жақыпов пен Жәнібек Әлімханұлы шеберлік сағаттарын өткізді

30 Наурыз, 2017

Қазақстан Республикасы Қорғаныс министрлігі Армия орталық спорт клубының былғары қолғап шеберлері әскери қызметшілердің балаларымен жүздесті, деп хабарлайды Baq.kz.

Әлем, Азия және Азия ойындарының чемпиондары лейтенант Біржан Жақыпов пен ҚР ҚК-нің қызметкері Жәнібек Әлімханұлы Аягөз гарнизонына барды. Олар гарнизонның спорттық кешені мен орта мектепте болып, ақысыз спорттық секцияларға барып жүрген әскери қызметшілердің балаларымен кездесіп, шебер-сыныптар өткізді және балалармен әңгімелесті.

 

Баспасөз қызметінің мәліметінше, спортшылар сондай-ақ, 10810 әскери бөлімінің мерзімді қызметтегі әскери қызметшілерімен жүздесті.

 

 

«Ағымдағы жылдың басында Спорт комитеті Қорғаныс министрлігі басшылығының қолдауымен гарнизондарда әскери қызметшілердің балаларына арналған тегін спорттық секцияларды ашқан болатын. Балаларға арналған бұқаралық спортты дамыту, сонымен қатар, армиялық спортты насихаттау мақсатында АОСК-ның танымал спортшылары гарнизондарға барды. Бұл өскелең ұрпақ үшін спортпен шұғылдануға жақсы уәждеме болады деген сенімдемін», - деп атап өтті ҚР ҚМ АОСК төрағасы подполковник Расул Мейірманов.

 

Келешекте армиялық спортшылар Үшарал, Приозерск, Сарыөзек және Гвардейск кентіндегі гарнизондарға жол тартады.

 

 

«Балалардың спортқа деген қызығушылығы шынайы екендігі байқалып тұр. Олар қызықты сұрақтар қойды. Біз жас өскелең ұрпақтың спортты және салауатты өмір салтын жандарына серік еткендерін қалаймыз», - деді лейтенант Біржан Жақыпов.

Наверх