Кездесу 1 сәуір күні Ташкентте өтеді.
Бүкіләлемдік бокс сериясында кездесетін "Астана арландары" мен "Өзбек боксшылары" арасындағы жұдырықтасатын боксшылардың тізімі белгілі болды, деп жазады Vesti.kz порталы.
Бұл екі команда арасындағы бокс кеші 1 сәуір күні Өзбекстан астанасы Ташкент қаласында өтіп, Астана уақытымен 20:00 де басталады. Аталған кездесуді Vesti.kz порталы тікелей эфирде көрсетеді.
Жекпе-жекке қатысатын боксшылардың тізімі:
46-49 келі:
Хасанбой Дусматов - Теміртас Жүсіпов
56 келі:
Абдулхай Шарахматов - Ильяс Сүлейменов
64 келі:
Эльнур Абдураимов - Дільмұрат Мижитов
75 келі:
Исраил Мадримов - Сапарбай Айдаров
91 келі:
Зухриддин Махкамов - Антон Пинчук
Егер бұл жекпе-жекте "Астана арландары" жеңіске жететін болса, С тобында бірінші орын алып, плей-офф кезеңіне шығады. Қазіргі уақытта біздің команда 12 ұпай жинап, Азия аймағында жиналған командалардың көшін бастап келеді. Ал "Өзбек жолбарыстары" алты ұпаймен екінші орында тұр.
