ТҮРКІСТАН ҚАЛАСЫНДА ДЕНЕ ШЫНЫҚТЫРУ-САУЫҚТЫРУ КЕШЕНІ АШЫЛДЫ

19 наурызда Түркістан қаласында Тарлан» спорттық жекпе-жек және спорттың күштік түрлеріне арналған әмбебап дене шынықтыру және сауықтыру кешені ашылды Осы оқиға арналған салтанатты жиынға қалалық әкімдік, Қазақстан бокс федерациясы басшылары, спорт қоғамдастығының өкілдері, спорт ардагерлері, балалар спорт мектебінің тәлімгерлері қатысты.

Осындай ерекше күні қатысушыларды Түркістан қаласының әкімі Б.А.Әшірбеков, Қазақстан бокс федерациясының вице-президенті С.К.Қонақбаев, спорт ардагері А.Ақжол, Олимпиадалық дайындық орталығының директоры Е.С.Ыбрайымов құттықтады.

Түркістан қаласындағы осы дене шынықтыру және сауықтыру кешені - өңірлердегі спорттық инфрақұрылымдарды дамыту жөнінде федерация президенті Т.Құлыбаевтың берген тапсырмасына орай қабылданған бағдарлама аясында алғашқы іске асқан дене шынықтыру және сауықтыру кешені. 
Мұнда арнайы жабдықталған спорт залдарында тәжірибелі жаттықтырушылардың жетекшілігімен бокс, күрес, дзюдо, таэквондо және ауыр атлетика секциялары жұмыс істейтін болады. Спорттың осы түрлері бойынша федерация қызметі спорттық жекпе-жек және спорттың күштік түрлері Конфедерациясына біріктірілді, бұл өз кезегінде жаттықтыру процестерінің тиімділігін арттыруға мүмкіндік бермек. Осындай спорт имараттарын барлық облыстарда салу көзделіп отыр. Осылайша өңірлердің әлеуетін ашуға мүмкіндік туғызатын, жаппай дене шынықтыру қозғалысын дамытуға және спортта жоғары жетістіктерге жетуге жағдай жасайды. Шілде айында Семейдегі дене шынықтыру және сауықтыру кешенінің құрылысы аяқталады. Бұдан басқа, биылғы жылы тағы да екі облыста осындай кешеннің құрылысы басталмақшы.

Спорт кешенінің бір үлгідегі жүйеленген жобасын пайдалануға негізделген тұжырымда аясында, барлық қажетті жабдықтармен жабдықталған, өңірдің жағдайына қарамастан жеңіл өзгертілетін, базалық үлгісі болып табылатын, осындай қарқынға қол жеткіздік. Осылайша істің оң шешім табуы жоба-сметалық құжаттамалар даярлау кезеңінде, қаржыны тиімді пайдалануға ғана мүмкіндік бермей, сонымен бірге құрылыстың да мерзімін қысқартады. Түркістан қаласындағы дене шынықтыру және сауықтыру кешенінің құрылысы 12 айда аяқталып отыр. Бұл спорт нысанның пайдалануға берілуі әлеуметтік салада жүзеге асып отырған мемлекеттік саясаттың айғағы, облыстық және қалалық басқару органдары мен демеушілер - «Самұрық-Қазына» Ұлттық әл-ауқат қоры және «КазМұнайГаз» Ұлттық компаниясының өзара әріптестігінің нәтижесі.