Бокстан Сидней олимпиадасының күміс жүлдегері Мұхтархан Ділдәбековтің жүлдесіне арналған халықаралық турнирдің жеңімпаздары белгілі болды.
Сидней олимпиадасының және Әлем чемпионатының күміс жүлдегері Мұхтархан Ділдәбековтің жүлдесіне арналған халықаралық VII турнир өз мәресіне жетті. Шымкент қаласында өткен дүбірлі додаға Өзбекстан, Қырғызстан, Түрікменстан, Тәжікстан елдерінен бөлек, еліміздің барлық қалаларынан 130 спортшы қатысып, чемпиондық атаққа таласты. Сондай-ақ, жарыс жеңімпаздары мен жүлдегерлеріне медаль, диплом және қаржылай сыйлықтар табысталды.
