Бангкокта өтіп жатқан жастар арасындағы Азия чемпионатында әйел боксшылардың ширек финалдық кездесулері аяқталды.
Қазақстан құрамасы сапынан төмендегі боксшы қыздар жартылай финалға шықты - Анел Құдайберген (48 келі), Жансая Абдраимова (51), Айзада Исламғали (54), Еркежан Дәулетжанқызы (57), Мария Гладкова (60), Майя Бейсебаева (69) және Надежда Рябец (75 келі).
Ал бүгін жартылай финалға өту үшін жігіттеріміз жұдырықтасады. Ширек финалға шыққан боксшыларымыз - Ермахан Жақыпов (69 келі), Нұрбек Оралбай (75), Махмуд Сабырхан (49), Бейбарыс Джексен (56), Рахат Сейжан (60) және Талғат Шайкенов (64 келі).
