Бокстан ұлттық құрамамыз Рио Олимпиадасында елге бес медальмен оралуды мақсат қылып отыр. Бұл туралы бас бапкер Мырзағали Айтжанов ҚазАқпарат тілшісіне айтты.
«Қазақта «арық айтып, семіз шығайық» деген аталы сөз бар. Менде сол ұстанымды қатты ұстанатын жігіттердің бірімін. Жалпы 5 медаль аламыз деген жоспарымыз бар. Оның ішінде 2 алтын алу басты мақсатымыз. Ал бізде жалпы 5 медальдан артык алуға мүмкіндігіміз бар», - деді Айтжанов.
