Қазанның 14-і мен 26-ы аралығында Алматы қаласында Балуан Шолақ атындағы Спорт сарайында өтетін, бокстан ересектер арасындағы чемпионатқа 10 қыркүйектен бастап билеттер on-lineжүйесінде сатылады.
Билеттер Қазақстан бокс федерациясының арнайы құрылған сайтында (tickets.kfb.kz) сатылады. Бұл ресурсқа Қазақстан бокс федерациясының арнайы сайтынан да (www.kfb.kz), тиісті баннер орналасқан жерден кіруге болады. Сатып алу банк картасы арқылы да жүргізіледі. Билеттер Qiwi терминалдары арқылы да сатылады.
Айта кету керек, спорттық іс-шаралардың on-line билеттерін сатуды алғаш рет қазақстандық мамандар толығымен жасады және отандық интернет-серверлерге таратылды.
Чемпионатқа билеттерді кассаларда сату 16 қыркүйектен Алматы қаласының сауда орталықтары мен Балуан Шолақ атындағы Спорт сарайында басталады.
Бокстан әлем чемпионаты – бұл егеменді Қазақстанның спорт алаңындағы маңызды жетістіктерінің бірі. Біздің еліміз алғаш рет олимпиадалық тәртіп бойыншажаһан біріншілігіне қатысады.
Бүгінгі күні әлем біріншілігіне қатысуға 118 мемлекет тіркелді, Алматыға келетін командалардың құрамында 580 спортшылар мен төрт жүз мыңнан аса келушілер бар.
Құрметті қонақтар ретінде Алматыға Халықаралық олимпиадалық кеңестің (МОК) және Халықаралық бокс қауымдастығының (АИБА) басшылары келеді. Әлем чемпионатына аккредиттелген адамдардың жалпы саны бір жарым мыңды құрайды.
Әлемде миллиондаған спортты сүйетін қауымның мықты боксшы-кәсіпқойлардың жекпе-жегіне назары ауатыны сөзсіз, өйткені бұл чемпионат АИБА-ң жаңа ережесі –қорғаныш бас киімінсіз өтеді, осылайша бокс тарихында өз таңбасын қалдырмақшы.
