Шымкент қаласы бокс федерациясының жаңа президенті тағайындалды
07 апреля, 2023
Бахадыр Нарымбетов Шымкент қаласы бокс федерациясының президенті атанды.
Ол 2022 жылдың 27 желтоқсанынан бастап бүгінгі күнге дейін «AMANAT» партиясы Шымкент қалалық филиалының төрағасы ретінде жұмыс істеген.
Бахадыр Мәдәліұлы алдағы уақытта Шымкент қаласындағы бокспен шұғылданатын жастарға, оның ішінде ел намысын әлемдік деңгейде және халықаралық ареналарда қорғап жүрген боксшыларға қолдау көрсетіп, Шымкент қаласында бокс спортын дамытып, өркендетуге арналған жұмыстар жүргізуді жоспарлауда.
Қазақстан бокс федерациясы және еліміздің бокс қауымдастығы Бахадыр Мәдәліұлын жаңа лауазымға тағайындалуымен құттықтап, зор денсаулық, мол табыс және үлкен жеңістер тілейді!
