Әлем кубогі: 12 боксшымыз алтын жүлдеге таласады

Астанадағы әлем кубогінің бесінші күнінде Қазақстан қоржынына 4 қола жүлде түсті.
Жартылай финалда Сағындық Тоғамбай (90кг), Ертуған Зейнуллинов (65кг), Аида Әбікеева (65кг), және Айдана Забынбеков (57кг) финалға бір қадам қалған кезде сүрініп, қола жүлдеге ие болды.

Ал ақтық сайысқа еліміздің атынан 12 былғары қолғап шеберлері жолдама алды.

Ерлер құрамасынан:
1. Санжар Тәшкенбай (50 кг)
2. ⁠Махмұд Сабырхан (55 кг)
3. ⁠Сабыржан Аққалықов (75 кг)
4. ⁠Нұрбек Оралбай (80 кг)
5. ⁠Бекзад Нұрдәулетов (85 кг)
6. ⁠Айбек Оралбай (+90 кг)

Әйелдер құрамасынан:
1. Назым Қызайбай (48 кг)
2. ⁠Алуа Балқыбекова (51 кг)
3. ⁠Виктория Графеева (60 кг)
4. ⁠Наталья Богданова (70 кг)
5. ⁠Надежда Рябец (75 кг)
6. ⁠Елдана Тәліпова (+80 кг)
Айта кетейік, финалдық бәсекелер 14:00 және 19:00-де Жақсылық Үшкемпіров атындағы жекпе-жек сарайында өтеді.

Қазақстан бокс федерациясының бас  серіктесі - "Самұрық Қазына" АҚ, серіктес - "Sport Qory" туризм индустриясы мен спортты қолдау қоры.

Әлем кубогі:Қазақстан қоржынына алғашқы жүлде түсті

World Boxing ұйымдастыруымен Астанада әлем кубогінің үшінші кезеңіндегі бәсекелер жалғасуда.

Айтулы доданың бесінші күнінде ел қоржынына алғашқы жүлде түсті. 90 келі салмақта Сағындық Тоғамбай 90 келі салмақта жартылай финалда сүрініп, қола жүлдеге ие болды. Дейтұрғанмен, ерлерден Ертуған Зейнуллинов (65кг) жартылай финалға жолдама алды. Әйелдер құрамасынан Алуа Балқыбекова (51кг) , Аида Әбікеева (65кг) да жартылай финалға шықты.

Ал Елдана Тәліпова (+80кг) өзбек боксшысын жеңіп, финалда алтын жүлдеге таласады.

Әлем кубогінің төртінші жарыс күніндегі нәтижелер

Астанадағы бокстан Әлем кубогінің үшінші кезеңі өтіп жатыр. Айтулы доданың кезекті күнінде жекпе-жектер қыза түсуде. Бүгін қазақстандық 7 боксшы жартылай финалға жолдаманы сарапқа салды.

Күндізгі сессияда Наталья Богданова (70кг) бразилиялық боксшыны жеңіп, жеңіске жетті. Ал Нұрбек Оралбай (80кг) мен Айдана Забынбекованың (57кг) қарсыластары жекпе-жектен бас тартуына байланысты, бірден жартылай финалға өтті.  Кешкі сессияда Махмұд Сабырхан (55кг) филиппиндік Аорон Жуд Бадоны 4 рет нокдаунға түсіріп, бәсеке тағдырын мерзімінен бұрын шешті.
75 келіде Сабыржан Аққалықов алғашқы раундта есе жібергенімен, соңғы екі раундта Канада елінің өкілінен жеңісті жұлып алды.

Аса ауыр салмақта Айбек Оралбай мен италиялық Диего Лензи арасында тартыстқа толы айқас орын алды. Жекпе-жек қорытындысы бойынша 4:1 есебімен Айбек Оралбай басым түсті.

Сонымен қатар Серік Теміржанов (60кг) жапон боксшысына есе жіберіп, жарыс жолынан шығып қалды.

Әлем кубогінің үшінші жарыс күніндегі нәтижелер

Астанада World Boxing ұйымдастыруымен Әлем кубогінің үшінші кезеңі өтіп жатыр. Бүгін ел намысын 9 спортшы қорғады.

Ең алғашқы болып шаршы алаңғы Назым Қызайбай шықты. Назым әлем кубогінде екінші жекпе-жегін өзбекстандық 2024 жылғы Азия чемпионы Фарзона Фозиловаға қарсы өткізді. Тартысқа толы бәсекеде Назым Қызайбай жеңіске жетті. Сонымен қатар 51 келіде Алуа Балқыбекова да АҚШ боксшысынан айласын асырып, келесі кезеңге өтті.
Еліміздің атынан үшінші болып шаршы алаңға көтерілген Гүлсая Ержан (80кг) екі дүркін Азия чемпионы үндістандық Пужа Раниға жол берді.

Ерлерден күндізгі сессияда Санжар Тәшкенбай жұдырықтасты. Санжар Тәшкенбай жапониялық Шодай Котоны үш раунд бойы қысымға алып, нәтижесінде жартылай финалға жолдама алды. Бекзат Нұрдәулетов те ұлыбританиялық Лачлон Лаусоны 5:0 есебімен айқын басымдықпен ұтты.

Кешкі сессияда Виктория Графеева алғашқы раундта нокдаунға түскенімен, қалған екі раундта қарсыласынан басым түсті. Әлем чемпионы Аида Әбікеева 2024 жылғы Әлем кубогінің жеңімпазы Дионе Бурманды тағынан тайдырды.

Ертуған Зейнуллинов, Сағындық Тоғамбай да қарсыластарын айқын басымдықпен жеңіп, финалға бір қадам жақындады.

Қазақстан бокс федерациясының бас  серіктесі - "Самұрық Қазына" АҚ, серіктес - "Sport Qory" туризм индустриясы мен спортты қолдау қоры.

Қазақстандық Надежда Рябец Панамерика ойындарының чемпионын жарыс жолынан шығарды

Надежда Рябец 75 келіде байырғы қарсыласы Вивиана Дос Сантос Перейрамен жекпе-жек өткізді. Қос боксшы ару бұған дейін 2021 жылы “Странджа” турнирінде жұдырықтасқан.

Осымен Надежда екінші рет бразиялық Вивиана Дос Сантос Перейрадан басым түсті.

Бразилиялық боксшы отандасымыздың қарқынына төтеп бере алмады. Есеп 4:1

Нұрбек Оралбай келесі кезеңге жолдама алды

80 келіде сынға түскен Нұрбек Оралбай әлем кубогіндегі бірінші жекпе-жегін өткізді.
Ол әзербайжандық Еуропа ойындарының қола жүлдегері  Мурад Аллахвердиевті қолғап түйістірді.

Жекпе-жек нәтижесі бойынша Нұрбек Оралбай 5:0 есебімен жеңіске жетті.
Айта кетейік, екеуі бұған дейін Париж Олимпиадасының 1/4 финалында жолыққан.

Сол кезде де нәтиже біздің боксшының пайдасына шешілген еді.

Қарсыласын нокдаунға түсірген Махмұд Сабырхан айқын жеңіске жетті

Ерлер арасында 55 келіде Махмұд Сабырхан ел намысын абыроймен қорғап, әлем кубогінің келесі кезеңіне өтті.

Жерлесіміз Оңтүстік Кореялық Шин Джиёнды екінші раундтта нокдаунға түсіріп, сенімді түрде ұтты.
Осылайша Махмұд жарысты жалғастыру құқығына ие болды.

Ал Оңтүстік Кореялық үшін жарыс аяқталды.

Әнел Сақыш өзбек боксшысына есе жіберді

Әнел Сақыш әлем кубогіндегі екінші жекпе-жегінде өзбек қызына жол берді. Айта кетейік, Феруза Казакова 2024 жылғы Азия чемпионы.

Осымен екінші отандасымыз әлем кубогін аяқтады.

Бұған дейін ерлер арасынан 70 келіде Абылайхан Жүсіпов  жарыс жолынан шығып қалған еді.

Наталья Богданова Азия чемпионатының жүлдегері Санама Чануды жарыс жолынан ығыстырды

70 келіде сынға түскен Наталья Богданова әлем кубогін сәтті бастады.

Үш раундттың қортындысы 
бойынша Наталья үндістандық Санама Чануды басым түсті. Айта кетейік, Санама Чану жастар арасында Азия чемпионатының күміс жүлдегері.

Наталья келесі кезеңде бразилиялық Панамерика ойындарының чемпионы Мария Дос Сантос Варвара жекпе-жек өткізеді.

Виктория Графеева әлем кубогін сәтті бастады

Виктория Графеева әлем кубогіндегі алғашқы жеңісіне қол жеткізді.

Жерлесіміз жапон елінің өкілі Аяка Тагучиді жарыс жолынан шығарды.

Виктория ширек финалда  Еуропа ойындарының қола жүлдегері Түрік қызы Өзер Гиземмен жекпе-жекке шығады.

Абылайхан Жүсіпов жарыс жолынан шығып қалды

Абылайхан Жүсіпов алғашқы айналымда қырғызстандық Алмаз Оразбековке қарсы жекпе-жек өткізді.

Отандасымыз алғашқы екі раундтың қортындысы бойынша жеңіске жеткен еді.

Алайда үшінші раундта Абылайхан Жүсіповтың қабағындағы жарақаты сыр беріп, жекпе-жекті тоқтатуға тура келді.

Кейін төрешілердің бір ауыздан қабылдаған шешімімен қырғызстандық Алмаз Оразбеков келесі айналымға шықты.

Ал Абылайхан Жүсіпов үшін әлем кубогі аяқталды.