Өзбекстан мемлекетінің боксшылары Астанаға келеді

Әлем кубогінде Өзбекстан мемлекетінің намысын қорғайтын әйелдер құрамасы Астанаға келді.

Олардың сапында 2022 жылғы әлем чемпионатының қола жүлдегері Азиза Якубова, Жасмин Такирова, Азиза Закирова сияқты бірнеше халықаралық жарыстардың жүлдегер боксшылары бар.

Естеріңізге салсақ, бокстан әлем кубогі 30 маусым мен 6 шілде аралығында Астанадағы Жақсылық Үшкемпіров атындағы жекпе жек сарайында өтеді.

Әлем кубогіне қатысатын Түркия мемлекетінің былғары қолғап шеберлері Астанаға келді

World Boxing ұйымдастыруымен өткелі жатқан айтулы додаға 30 мемлекеттен 300-ге жуық спортшы өзара мықтыны анықтайды.

Олардың қатарында Олимпиада, Әлем және Азия чемпионаттарының жеңімпаз, жүлдегер спортшылары бар.

Астанада өтетін Әлем кубогіне қатысу үшін Қытай Тайпей құрамасының боксшылары елордаға келді.

Команда сапында үш бірдей Олимпиада ойындарының жүлдегерлері, сондай-ақ Азия және Әлем чемпионаттарының жеңімпаздары бар.

Ерлер құрамында 2022 жылғы Азия ойындарының финалына дейін жетіп, алтынға бір табан қалғанда сүрінген Кан Чиа-Уэй 70 келі салмақта бақ сынайды.

Әйелдер сапында да бірқатар танымал спортшылар бар. 
Олар:
    •    Хуанг Сяо-Вэнь – Токио Олимпиадасының қола жүлдегері, екі дүркін Әлем чемпионы. Сонымен қатар Азия чемпионатында екі қола, бір күміс медаль жеңіп алған.
    •    У Ши-И – Париж Олимпиадасының қола жүлдегері, Азия чемпионатының күміс және қола медаль иегері.
    •    Чэнь Нянь-Чэнь – 2024 жылғы Париж Олимпиадасында қола медаль еншілеген.
Бұған қоса Әлем және Азия чемпионаттарының жеңімпазы.

Айтулы дода 30 маусым мен 6 шілде аралығында Астанадағы Жақсылық Үшкемпіров атындағы Жекпе-жек сарайында өтеді

Әуесқой бокстан әлем кубогінде бақ сынайтын Моңғолия елінің боксшылары Астанаға келді

Моңғолия боксшыларының қатарында қандасымыз  Бекнұр Қалиұлы бар. Ол аса ауыр салмақта Моңғолия намысын қорғайды.

Бекнұр Қалиұлы 2024 жылы Азия чемпионатында қола, әлем кубогінде күміс жүлдеге ие болған.

Сонымен қатар әйелдер сапында әлем чемпионатының қола жүлдегері Энхжаргал Мөнгөнцэцэг бар.

Айта кетейік, World Boxing ұйымдастыруымен әлем кубогі елімізде бірінші рет өткелі жатыр.

Байрақты бәсекеге 30 мемлекеттен 300-ге жуық спортшы өзара мықтыны анықтайды.

Еліміздің бас қаласына бокстан әлем кубогіне қатысатын Оңтүстік Корея боксшылары келді.

Оңтүстік Корея құрамында Олимпиада және Азия чемпионаттарының жүлдегер боксшылары бар.
Атап айтқанда, ерлер сапында 2012 жылғы Лондон Олимпиадасының күміс жүлдегері Сунчул Хан, 2018 жылғы Азия ойындарының жеңімпазы, Азия чемпионатының үш дүркін чемпионы О Ёнджи.

Әйелдер командасында 2024 жылғы Париж Олимпиадасының қола медаль иегері Эйджи Им (50кг) Оңтүстік Корея намысын қорғайды.

Бұдан бөлек, АҚШ, Канада, Франция, Финляндия, Швеция, Швейцария, Әзарбайжан, Австралия, Германия тағы басқа мемлекеттің боксшылары Астанада оқу-жаттығу жиынын өткізіп жатыр.

29 маусымға дейін барлық мемлекеттің спортшылары Астанаға жиналады.

Тартысты дода 30 маусым мен 6 шілде аралығында Астанадағы Жақсылық Үшкемпіров атындағы жекпе жек сарайында өтеді.

Елімізде өтетін бұл бәсеке әлем кубогінің үшінші кезеңі болмақ.  Бұған дейінгі кезеңдер Польша мен Бразилияда өткен.

Астанадағы әлем кубогіне қатысатын 
Ұлыбритания елінің былғары қолғап шеберлері Елордаға келіп жетті.

Ерлер сапында осы жылдың басында Бразилияда өткен әлем кубогінің күміс жүлдегері Исаак Окох, әйелдер құрамасында 2024 жылғы әлем кубогінің жеңімпазы Патрис Мугалзай бар.

Бұдан өзге АҚШ, Канада, Әзербайжан, Франция, Швейцария, Финляндия, Германия, Словакия, Швеция және Сербия мемлекетінің боксшылары Астанаға келген еді. Олар әлем кубогі алдындағы соңғы оқу-жаттығу жиынын өткізіп жатыр.

World boxing ұйымдастыруымен өткелі жатқан додаға 30 мемлекеттің боксшылар бақ сынайды.
Байрақты бәсеке 30 маусым мен 6 шілде аралағында Жақсылық Үшкемпіров атындағы жекпе жек сарайында өтеді.

Әлем кубогіне қатысатын Германия елінің былғары қолғап шеберлері Астанаға табан тіреді

Олар 29 маусымға дейін әлем кубогі алдындағы соңғы оқу-жаттығу жиынын өткізеді.

Бұған дейін АҚШ, Канада, Әзербайжан, Франция, Швейцария, Финляндия, Швеция, Аустралия және Сербия елдерінің спортшылары Астанаға келген еді.

Естеріңізге салсақ, 30 маусым мен 6 шілде аралығында Астанада бокстан әлем кубогі өтеді.
Айтулы жарысқа 31 мемлекеттен 300-ге жуық боксшы қатысады деп жоспарлануда.

World Boxing  ұйымдастыруымен Астанадағы Әлем кубогіне қатысатын командалар елордаға жиналып жатыр.

Аталған байрақты бәсекеде Әзербайжан ұлттық құрамасы да бақ сынайды.

Әзербайжан сапында бірқатар танымал спортшылар бар. 
Олар: U23 санатында 48 келіде Еуропа чемпионатының күміс жүлдегері Турал Сариев, екі 
дүркін Еуропа чемпионы, әлем чемпионатының қола жүлдегері Ниджат Гусейнов бар.

Сонымен қатар, әйелдер құрамасы да осал емес. Әлем чемпионатының қола жүлдегері Марджона Савриева, халықаралық турнирлердің жүлдегерлері Зейнеп Рахимова мен Айнур Микаилова да жарысқа қатысады.

Айта кетейік, Астанада АҚШ, Канада, Франция, Әзербайжан, Финляндия, Швеция, Сербия тағы басқа мемлекеттің боксшылары 29 маусымға дейін соңғы оқу-жаттығу жиынын өткізеді.

Дүбірлі дода 30 маусым мен 6 шілде аралығында бас қаладағы Жақсылық Үшкемпіров атындағы жекпе-жек сарайында өтеді.

30 маусым мен 6 шілде аралығында әлем кубогіне қатысатын Швеция елінің боксшылары Астанаға ат басын бұрды.

Швеция, АҚШ, Канада, Әзербайжан, Франция,  Финляндия, Германия және Словакия тағы басқа мемлекеттің боксшылары 29 маусымға дейін біріккен оқу-жаттығу жиынын өткізеді. 
Бұл байрақты бәсеке алдындағы соңғы оқу-жаттығу жиыны болмақ.

Дүбірлі додаға 31 мемлекеттен 300-ге жуық спортшы қатысады деп жоспарлануда.

Әлем кубогі Астанадағы Жақсылық Үшкемпіров атындағы жекпе-жек сарайында өтеді.

Бокстан елімізде өтетін әлем кубогіне қатысатын Финляндия елінің боксшылары Астанаға келді.
Құраманы бастап келген Финляндия құрамасының бас бапкері Асқар Сәрсенбаев.

Айта кетейік, бұған дейін АҚШ, Канада, Франция және Канада елінің боксшылары Астанаға келген.
Франция елінің құрама сапында 2024 жылғы Париж Олимпиадасының күміс жүлдегері Биллаль Беннама бар.

Естеріңізге салсақ, Әзербайжан, Швейцария, Германия, Словакия, Швеция мемлекетінің боксшылары 17-29 маусым аралығында біріккен оқу-жаттығу жиынын өткізеді.

Бокстан әлем кубогі 30 маусым мен 7 шілде аралығында Астанада өтеді.

Астанаға әлем кубогына қатысатын Франция және Сербия елінің боксшылары келді

World boxing ұйымының ұйымдастыруымен әуесқой бокстан Астанада өтетін әлем кубогына қатысатын Франция және Сербия елінің боксшылары елордаға келді.

Франция құрамасының сапында әлем чемпионатының қола медаль иегерлері Сохеб Буафиа мен қыздардан Васили Лкадири бар.
Француздық боксшылар Астанада 17-29 маусым аралығында оқу-жаттығу жиынын өткізеді. Бұл әлем кубогы алдындағы маңызды дайындықтың бірі бөлігі болмақ.

Бұған дейін әлем кубогына қатысатын АҚШ, Канада елдерінің спортшылары келген еді.

Естеріңізге салсақ, Астанада 30 маусым мен 6 шілде аралығында әлем кубогы өтеді.