Турнирге еліміздің барлық өңірлерінен 70 боксшы қыздарымыз қатысады. Сондай-ақ, Қарағандыда Ресейден келген спортшылар өнер көрсетеді.

Жарыстың басты ерекшелігі — спортшылар дулығасыз өнер көрсетеді.

Қазақстан құрамасының жаттықтырушылар штабы старт қорытындысы бойынша Азия чемпионатына қатысуға құрамды қалыптастыру бойынша кадрлық шешімдер қабылдайды.

¼ финалдан бастап турнирді Sport Plus Qazaqstan телеарнасында, сондай-ақ sportplustv.kz сайтында тікелей эфирде көруге болады.

Ширек финалдық жекпе-жектер 25 қыркүйекте басталады.

Ресейдің Чита қаласында жастар арасында "Даурия Еуразия Кубогы" халықаралық турнирі аяқталды.

Бұл Қазақстан құрамасы үшін қазан айында Черногорияда өтетін әлем чемпионатына дайындық кезеңі. Бірінші құраммен барған жастар командасы он үш жүлде еншіледі. 67 келіде Төрехан Сабырхан турнир жеңімпазы атанды.

57 келіде Жансері Көшербаев пен 80 келіде Мадияр Бексұлтанов финалда төрешілер шешімімен жергілікті боксшыларға жол беріп, күміс жүлдеге ие болды.

Он спортшы қола жүлдегер атанды: 51 кг. Бексұлтан Боранбек, 54 кг. Әділбек Қожахан, 54 кг. Әли Мұрат, 57 кг. Бауыржан Мұратов, 63,5 кг. Асылхан Көшербай, 63,5 кг. Ахмет Үсен, 71 кг. Өнер Сейілхан, 75 кг. Санжарәли Бегалиев, 80 кг. Дамир Синеев, 92 кг. Аслан Елдібайұлы.

Естеріңізге сала кетейік, жастар құрамасының аға бапкері қызметін атқарған Қайрат Сәтжанов тамыз айында ұлттық құраманың бас бапкері қызметіне тағайындалды. Қазіргі уақытта жастарды Бағдат Оңғарбеков жаттықтыруда.

Қазақстан бокс федерациясының бас  серіктесі - "Самұрық Қазына" АҚ, серіктес - "Sport Qory" туризм индустриясы мен спортты қолдау қоры.

Мемлекет басшысы ХХХІІІ жазғы Олимпиада ойындарының жүлдегерлерімен кездесті

Президент Қасым-Жомарт Тоқаев салтанатты жиынға қатысушы спортшылар мен бапкерлерді Париж Олимпиадасындағы жетістіктерімен құттықтап, әрбір жеңіс зор ерік-жігер мен қажырлы еңбектің жемісі екеніне назар аударды.

Қасым-Жомарт Тоқаев төртжылдықтың додасынан жүлдемен оралған өзге спортшыларға, бапкерлер мен атлеттерді дайындауға үлес қосқан азаматтарға алғыс айтты.

Ақордаға бокстан Олимпиада жүлдегерлері Нұрбек Оралбай мен Назым Қызайбай, сонымен қатар олардың жеке бапкерлері Асқар Еркебаев пен Долкунжан Камеков барып, салтанатты іс-шараға қатысты.

27 тамыз бен 10 қыркүйек аралығында Әл Айн (БАӘ) қаласында бокстан жасөспірімдер арасында Азия чемпионаты өтеді. Қазіргі уақытта жасөспірімдер командасы Алматы облысындағы жаңа Олимпиадалық даярлық орталығында оқу-жаттығу жиынына қатысуда.

2008-2009 ж.т жасөспірім қыздар құрамасы:

46 келі. Мадира Жұмахан
48 келі. Айым Танкибаева
50 келі. Сила Биболсынқызы
52 келі. Жамиля Болатбекқызы
54 келі. Шырын Мәнәпова
57 келі. Айғаным Қадырхан
60 келі. София Ващенко
63 келі. Алина Кудайгенова
66 келі. Айсұлу Мұхит
70 келі. Камила Оспанова
75 келі. Зарина Толыбай
80 келі. Айдана Убайдуллақызы
+80 келі. Сабина Жақсылық

Аға бапкер: Айбек Әбілда

2008-2009 ж.т. ұлдар командасы:

46 келі. Ерасыл Маратов
48 келі. Айдос Үсенов
50 келі. Досжан Жұмахан
52 келі. Бекарыс Әділбай
54 келі. Темірхан Жолмахан
57 келі. Данияр Ақбисенов
60 келі. Ақжүрек Қалабай
63 келі. Кенесарыамир Маржикпаев
66 келі. Бейбарыс Әшірбай
70 келі. Нұрасыл Қарымбек
75 келі. Тимур Тайбеков
80 келі. Ерубай Тұрлыбай
+80 келі. Владислав Саможонов

Аға бапкер: Мақсат Оспанов

Қазақстан бокс федерациясының бас  серіктесі - "Самұрық Қазына" АҚ, серіктес - "Sport Qory" туризм индустриясы мен спортты қолдау қоры.

Қазақстан бокс федерациясы ҚР Еңбек сіңірген жаттықтырушы, Қазақстан ұлттық құрамасының бас бапкері ретінде көптеген жарыстарда жүлде салған Мырзағали Айтжановқа құрмет көрсетті.

«Мырзағали Құланұлының Қазақстан боксына сіңген еңбегі зор. Бүгінгі күнге дейін былғары қолғап шеберлерін дайындауда төккен маңдай терді бағалаймыз және сізге алғыс айтамыз», - деді іс-шарада Қазақстан бокс федерациясының президенті Шахмұрат Мүтәліп.

Қазақтың дәстүрі бойынша, Мырзағали Айтжановтың иығына шапан жауылып, бағалы сыйлықтар табысталды.

ҚАЙРАТ САТЖАНОВ БОКСТАН ҚАЗАҚСТАН ЕРЛЕР ҚҰРАМАСЫНЫҢ БАС БАПКЕРІ ҚЫЗМЕТІНЕ ТАҒАЙЫНДАЛДЫ

Қайрат Тұрсұнқанұлы Сатжанов - 54 жаста, Қазақстан Республикасының бокстан еңбек сіңірген жаттықтырушысы, Қазақстан Республикасының дене шынықтыру және спорт үздігі. Бапкерлік еңбек өтілі - 34 жыл. 2021-2022 жылдары Қазақстан ұлттық құрамасының бас бапкері қызметін атқарған. 2024 жылдан Қазақстан жастар құрамасының аға бапкері.
Сәтжановтың жетекшілігімен 2021 жылы Қазақстан құрамасы әлем чемпионатында (Сербия) II командалық орын (2 алтын, 2 күміс, 1 қола медаль) алды.
2022 жылы Азия чемпионатында (Иордания) ІІ командалық орын (3 алтын, 6 күміс, 3 қола) еншілеген.
2024 жылы Астанада өткен жастар арасындағы Азия чемпионатында Қазақстан командасы I командалық орын (5 алтын, 1 күміс, 3 қола) алды.
Қайрат Сатжанов жаттықтырушы ретінде 7 әлем чемпионын, 43 Азия чемпионын дайындаған.

Қазіргі уақытта жаңа жаттықтырушылар құрамы құрылуда, оның ішінде: шетелдік жаттықтырушы маман, жалпы дене даярлығы бойынша жаттықтырушы, сондай-ақ ғылыми топ мамандары шақырылады.

Сонымен қатар, бас жаттықтырушының жеке шәкірті болмайды деген талап енгізілді.

Қазақстан бокс федерациясының бас  серіктесі - "Самұрық Қазына" АҚ, серіктес - "Sport Qory" туризм индустриясы мен спортты қолдау қоры.

Бокстан Қазақстан әйелдер командасының үздігі Назым Қызайбай Париждегі Олимпиада ойындарын қорытындылап, Olympic.kz сайтына сұхбат берді. 

Назым Қызайбай 50 келі салмақта Париж Олимпиадасының қола жүлдегері атанды. Ол жартылай финалда болашақ чемпион Ю Вуға есе жіберген болатын. 

"Жартылай финалда жеңілгенде ашуға ерік берген едім. Кеше финалдық жекпе-жекті қараған соң, өзімнің шын мықтыдан ұтылғаныма көз жетті. Мықтыны мойындау керек, қытайлық боксшы бұл салмақтағы ең үздік екенін дәлелдеді. Сондықтан, қола медальді өзім ұзақ күткен Олимпиададан адал еңбекпен алдым деп есептеймін.

Меніңше, дайындық уақыты аз болып қалған сияқты. Лицензияны Азия ойындарында немесе Италиядағы іріктеу турнирінде алғанда, жағдай басқаша болар ма еді?! Таиландтағы іріктеу турнирінен соң толық дайындалуға уақыт аздық етті. Десе де, осы жетістігіммен де мақтанамын. 

Қола жүлдегер атанған соң, жан-жақтан құттықтаулар толассыз келіп жатыр. Өзім тек қана теледидардан көрген Геннадий Головкиннің өзі марапаттап, арнайы құттықтағанда қатты қуанып қалдым. Елге келген соң, өзімнің қандай іс тындырғанымды толық сезінетін шығармын.

Бұл - менің алғашқы Олимпиадам. Жарақатым жоқ, бабымды жоғалтпадым. Сондықтан, бүгін-ертең боксты қойып кетемін деп айта алмаймын. Қазақтан шыққан алғашқы үш дүркін әлем чемпионы атанғым келеді. Екі дүркін чемпиондық атақ Серік Сәпиев пен менде бар. Ендігі мақсатым - әлем чемпионатының үшінші алтынын алу", - деді Қызайбай. 

ФОТО: Тұрар Қазанғапов

Қазақстан бокс федерациясының бас  серіктесі - "Самұрық Қазына" АҚ, серіктес - "Sport Qory" туризм индустриясы мен спортты қолдау қоры.

Былғары қолғап шебері Назым Қызайбай Париж Олимпиадасының қола жүлдегері атанды, деп хабарлайды Қазақстан бокс федерациясы.

50 келі салмақ дәрежесінде сынға түскен Қызайбай жартылай финалда бокстан әлем және Азия ойындарының чемпионы, қытайлық Ву Юге есе жіберді. 

Екі дүркін әлем чемпионы Назым Қызайбай үшін бұл алғашқы Олимпиада. Назым Париж шаршы алаңында төрт жекпе жек өткізді.

Алғашқы айналымда италиялық Джордана Соррентинодан, 1/8 айналымда бразилиялық Каролин де Алмейдадан, ширек финалда колумбиялық Валенсия Виктория Ингрит Лоренадан басым түсті.

Қазақстан бокс федерациясының

Бас серіктесі – «Самұрық Қазына» ҰӘҚ» АҚ

Серіктесі – Sport Qory спортты қолдау қоры

Фото: Владислав Семенов

 Қостанайда бокстан Орал және Қорған Айтеновтерді еске алуға арналған XXV халықаралық турнир өз мәресіне жетті.

2006-2007 жылы туылған жастар арасындағы турнирде жеңімпаз атанған спортшылар:
48 келі. Халиф Бекетов (СҚО)
51 келі. Абдулазиз Абдуназаров (Өзбекстан)
54 келі. Алмас Нұрлан (Қарағанды)
57 келі. Ерхан Оңталапов (Қызылорда)
60 келі. Дамир Мубайлихонов (Тәжікстан)
63.5 келі. Руслан Гафуров (Тәжікстан)
67 келі. Абдулло Тохиров (Өзбекстан)
71 келі. Бекжан Тілебалды (Алматы облысы)
75 келі. Арыстан Нұрмағамбет (Павлодар)
80 келі. Ильяс Жандау (Қостанай)
86 келі. Азим Чойбеков (Қырғызстан)
92 келі. Аслан Елдібайұлы (Қызылорда)
+92 келі. Идрис Ильназаров (Тәжікстан)  

Қазақстан бокс федерациясының бас  серіктесі - "Самұрық Қазына" АҚ, серіктес - "Sport Qory" туризм индустриясы мен спортты қолдау қоры.

 Қазақстан бокс құрамасы үшін Олимпиада сапары басталды! Былғары қолғап шеберлері Алматы әуежайынан Францияға ұшты. Бортта: он олимпиадалық үміт, бапкелер, спарринг серіктестер және ғылыми топ мүшелері. 25 шілде жеребе тарту рәсімі өтеді. Сол күні Отандық боксшылардың қай уақытта шаршы алаңға шығатыны анықталады.